Audio
श्रोतोरन्ध्रध्वनिितसुभगं दन्तिभिः पीयमानः
नीचैर्वास्यत्युपजिगमिषोर्देवपूर्वं गिरिं ते
शीतो वायुः परिणमयिता काननोदुम्बराणाम्॥ 44
तत्र स्कन्दं नियतवसतिं पुष्पमेघीकृतात्मा
पुष्पासारैः स्नपयतु भवान्व्योमगंगाजलार्द्रैः।
रक्षाहेतोर्नवशशिभृता वासवीनां चमूना-
मत्यादित्यं हुतवहमुखे संभृतं तद्धि तेजः॥ 45
ज्योतिर्लेखावलयि गलितं यस्य बर्हे भवानी
पुत्रप्रेम्णा कुवलयदलप्रापि कर्णे करोति।
धौतापाङगं हरशशिरुचः पावकेस्तं मयूरं
पपश्चादद्रिग्रहणगुरुभिर्गर्जितैर्नर्तयेथाः॥ 46
आराध्यैनं सरवणभवं देवमुल्लङ्घिताध्वा
सिद्धद्वन्दवै्र्जलकणभयाद्वीणिभिर्मुक्तमार्गः।
व्यालम्बेथाः सुरभितनयालम्भजां मानयिष्यन्
स्रोतोमूर्त्त्या बुवि परिणतां रन्तिदेवस्य कीर्तिम्॥ 47
त्वय्यादातुं जलमवनते शार्ङगिणो वर्णचोरैः
तस्याः सिन्धोः पृथुमपि तनुं दूरभावात्प्रवाहम्।
प्रेक्षिष्यन्ते गगनगतयो नूनमावर्ज्य दृष्टी-
रेकं मुक्तागुणमिव भुवः स्थूलमध्येन्द्रनीलम्॥ 48
तामुत्तीर्य व्रज परिचितभूलताविभ्रमाणां
पक्ष्मोत्क्षेपादुपरिविलसत्कृष्णसारप्रभाणाम्।
कुन्दक्षेपानुगमधुकरश्रीमुषामात्मबिम्बं
पात्रीकुर्वन् दशपुरवधूनेत्रकौतूहलानाम्॥ 49
ब्रह्मावर्तं जनपदमथच्छायया गाहमानः
क्षेत्रं क्षत्रप्रधनपिशुनं कौरवं तद्भजेथाः।
राजन्यानां शितशरशतैर्यत्रगाण्डीवधन्वा
धारापातैस्त्वमिवकमलान्यभ्यवर्षन्मुखानि॥ 50
हित्वा हालादभिमतरसां रेवतीलोचनाङ्कां
बन्धुप्रीत्या समरविमुखो लाङगली याः सिषेवे।
कृत्वा तासामभिगममपां सौम्यसारस्वतीना-
मन्तःशुद्धस्त्वमपि भविता वर्णमात्रेण कृष्णः॥ 51
तस्माद्गच्छेरनुकनखलं शैलराजावतीर्णां
जह्नोः कन्यां सगरतनयस्वर्गसोपानपङ्क्तिम्।
गौरीवक्त्रे भ्रुकुटिरचनां या विहस्येव फेनैः
शंम्भोः केशग्रहणमकरोदिन्दुलग्नोर्मिहस्ता॥ 52
तस्याः पातुं सुरगज इव व्योम्नि पश्चार्धलम्बी
त्वं चेदच्छस्फटिकविशदं तर्कयेस्तिर्यगम्भः।
संसर्पन्त्या सपदि भवतः स्रोतसि छाययाऽसौ
स्यादस्थानोपगतयमुनासङगमेवाभिरामा॥ 53
आसीनानां सुरभितशिलं नाभिगन्धैर्मृगाणां
तस्या एव प्रभवमचलं प्राप्य गौरं तुषारैः।
वक्ष्यस्यध्वश्रमविनयने तस्यश्रृङगे निषण्णः
शोभां शुभ्रत्रिनयनवृषोत्घातपङ्कोपमेयाम्॥ 54
அதன் பரிசுத்தமான நீரைப் பருகுவதற்காகத் தாங்கள் ஒரு விண்யானையைப் போல தங்களுடைய உடலின் பின்பகுதியை ஊன்றி நின்று பார்த்தீர்களானால் நீரோட்டத்தில் காணும் தங்களது நிழலால் அவள், திடீரென்று பொருத்தமில்லாத இடத்தில் வந்து சேர்ந்த யமுனா நதியுடன் இணைந்ததால் அழகுபெற்றவளைப் போல் அழகுடன் திகழ்வாள். அவள் உற்பத்தியான இடமும் அவ்விடத்தில் தங்கிச் சென்ற கஸ்தூரி மான்களின் நாபியிலிருந்து எழும் சுகந்ததினால் பரிமளம் மிக்கதாகவும் பனிப் பரப்பினால் வெண்மை நிறமானதுமாக இருக்கும். இமயமலைக்குச் சென்று ஓய்வெடுக்கும் தாங்கள் முக்கண்ணனின் வெண்மையான காளையைப் போன்ற அழகினைப் பெறுவீர்கள்.