കാളിദാസന്‍ സന്ദേശവാഹകനായ മേഘത്തിന്‍റെ സഞ്ചാരപഥത്തിലൂടെ കാണിച്ചു തരുന്ന ഒട്ടു മിക്ക ദേശങ്ങളും ഭാരതത്തില്‍ ഇപ്പോഴും അതുപോലെ തന്നെ അടയാളപ്പെടുത്തുവാന്‍ കഴിയുന്നുണ്ടു എന്നു പറയുമ്പോള്‍ തന്നെ അദ്ദേഹത്തിന്‍റെ മഹത്വം മനസിലാക്കുവാന്‍ കഴിയും.
മേഘദൂതത്തിന്‍റെ കാവ്യഭംഗി ചുരുങ്ങിയ വാക്കുകളില്‍ വ്യാഖ്യാനിക്കുകയും
പറയുകയും ചെയ്യുന്നതു, ഈ കാളിദാസ വിരചിത കാവ്യത്തോടുള്ള അനീതിയായിരിക്കും. എങ്കിലും സംസ്കൃത കാവ്യങ്ങളേയും കാളിദാസകൃ തികളെയും സന്ദേശകാവ്യങ്ങളേയും പറ്റി കുറച്ചെങ്കിലും അറിയുവാന്‍ ആഗ്രഹിക്കുന്ന ശ്രോതാക്കള്‍ക്കു ഉചിതമായ രീതിയില്‍ സംക്ഷിപ്തമായി, കുട്ടികൃഷ്ണ മാരാരുടെ തര്‍ജമ ആസ്പദമാക്കി, ആവും വിധത്തില്‍ കാവ്യത്തോടു നീതി പുലര്‍ത്തുവാന്‍ ശ്രമിച്ചിരിക്കുന്നു.