Audio
नीडारम्भे गृहबलिभुजां आकुलग्रामचैत्या:
त्वय्यासन्ने फलपरिणतिश्यामजम्पूवनान्ता:
सम्पत्स्यन्ते कतिपयदिनस्थायिहम्सा दश्शार्णा: 25
तेषां दिक्षु प्रथितविदिशालक्षणां राजधानीं
गत्वा सद्य: फलमतिमहत् कामुकत्वस्य लब्धा
तीरोपान्तस्तनितसुभगं पास्यसि स्वादुयुक्तं
सभ्रूभंगं मुखमिव पयो वेत्रवत्याश्चलोर्म्या: 26
नीचैराख्यां गिरिमधिवसेस्तत्र विश्रामहेतो:
त्वत् सम्पर्कात् पुलकितमिव प्रौढपुष्पै: कदम्बे
य: पण्यस्त्रीरतिपरिमलोद्गारिभिर्नागराणां
उद्दामानि प्रथयति शिलावेश्मभिर्योवनानि 27
विश्रान्तस्सन् व्रज वननदीतीरजातानि सिञ्ज
न्नुद्यानानां नवजलकणै: यूथिकाजालकानि
गण्डस्वेदापनयनरुजाक्लान्तकर्णोत्पलानां
छायदानात् क्षणपरिचित: पुष्पलावीमुखानाम् 28
वक्र: पन्था यदपि भवत प्रस्थितस्योत्तराशां
सौधोत्संगप्रणयविमुखो मा च भूरुज्जयिन्या:
विद्युद्दामस्फुरणचकितैस्तत्र पौरांगनानां
लोलापांगैर्यदि न रमसे लोचनैर्वञ्जितोसि 29
वीचिक्षोभस्तनितविहगश्रेणिकाञ्जीगुणाया:
संसर्प्पन्त्या: स्खलितसुभगं दर्शितावर्त्तनाभे:
निर्विन्ध्याया: पथि भव रसाभ्यन्तर: सन्निपत्य
स्त्रीणामाद्यं प्रणयवचनं विभ्रमो हि प्रियेषु 30
वेणीभूतप्रतनुसलिला तामतीतस्य सिन्धु:
पाण्डुच्छाया तटरुहतरुभ्रम्शिभि: शीर्ण्णपर्ण्णै:
सौभाग्यं ते सुभग विरहावस्थया व्यञ्जयन्ती
कार्श्यं येन त्यजति विधिना स त्वयैवोपपाद्य: 31
प्राप्यानवन्तीमुदयनकथाकोविदग्रामवृद्धान्
पूर्वोद्दिष्टामनुसर पुरीं श्रीविशालां विशालां
स्वल्प्पीभूते सुचरितफले स्वर्ग्गिणां गां गतानां
शेषै: पुणै: कृतमिव दिव: कान्तिमत् खण्टमेकम् 32
दीर्घीकुर्व्वन् पटुमदकलं कूजितं सारसानां
प्रत्यूषेषु स्फुडितकमलामोदमैत्रीकषाया:
यत्र स्त्रीणां हरति सुरतग्लानिमंगानुकूल:
शिप्रावात: प्रियतम इव प्रार्थनाचाडुकार: 33
जालोद्गीर्णैरुपचितवपु: केशसंस्कारधूपै:
बन्धुप्रीत्या भवनशिखिभिर्द्दत्तनृत्योपहार:
हर्म्येष्वस्या: कुसुमसुरभिष्वध्वखिन्नान्तरात्मा
नीत्वा खेदं ललितवनितापादरागाङ्कितेषु 34
भर्त्तु: कण्ठच्छविरिति गणै: सादरं वीक्ष्यमाण:
पुण्यं यायास्त्रिभुवनगुरोर्धाम चण्ढेश्वरस्य
धूतोद्यानं कुवलयरजोगन्धिभिर्गन्धवत्या:
तोयक्रीडाविरतयुवतिस्नानतिक्तैर्मरुद्भि: 35
അവിടെ, ഗന്ധവതിയില് നിന്നു കരിങ്കൂവളപ്പൂമ്പൊടികളുടെ നറുമണവും ജലക്രീഡ കഴിഞ്ഞ യുവതിമാരുടെ കടുമണവുമേന്തിയ കാറ്റുകള് വന്നുലക്കുന്ന ഉദ്യാനത്തോടു കൂടിയതായ ത്രൈലോക്യ ഗുരുവായ ചണ്ഡേശ്വരന്റെ പുണ്യക്ഷേത്രത്തിലേക്കു, തളര്ച്ച തീര്ത്തതിനു ശേഷം, ആദരവോടെ ചെന്നു ചേരുകയും വേണം.
ആപയനയസ്മിന്( ശ്ലാകം 36)- തസ്യാ കിഞ്ചിത് (ശ്ലാകം -43)