മേഘദൂതം ഭാഗം – 2

वन्दै: पुंसां रघुपतिपदैरंगितं मेघलासु

काले काले भवति यस्य सम्योगमेत्य

स्नेहव्यक्ति: चिरविरहजं मुञ्चतो  बाष्पमुष्णम्                                   12

मार्गं तावच्छृणु कथयत: त्वत्प्रयाणानुरूपं

सन्देशं मे तदनु जलद श्रोष्यसि श्रोत्रपेयं

खिन्न: खिन्न: शिखरिषु पदं न्यस्य गन्तासि यत्र

क्षीण: क्षीण:  परिलघुपय: श्रोतसां चोपयुज्य                        13

अद्रे: शृंगं वहति पवन: किं स्विदित्युन्मुखीभि:

दृष्टोत्साहश्चकितचकितं मुग्द्धसिद्धांगनाभि:

स्थानादस्मात् सरसनिचुलात् उत्पदोदङ्मुख:  खं

दिङ्नागानां पथि परिहरन् स्थूलहस्तावलेपान्                     14

रत्नच्छायाव्यतिकर इव प्रेक्ष्यमेतत् पुरस्तात्

वल्मीकाग्रात् प्रभवति धनु: खण्टमाखण्टलस्य

येन श्यामं वपुरतितरां कान्तिं आलप्स्यते ते

बर्हेणेव स्फुरितरुचिना गोपवेषस्य विष्णो:                           15

त्वय्यायत्तं क्रिषिफलमिति भ्रूविलासानभिञै

प्रीतिस्निज्धैर्जनपदवधूलोचनै: पीयमान:

सद्य: सीरोत्कषणसुरभिक्षेत्रमारूयह्य मालं

किञ्चित् पश्चाद्व्रज लघुगति: भूय एव उत्तरेण                       16

त्वां आसारप्रशमितवनोपप्लवं साधु मूर्ध्ना

वक्ष्यत्यध्वश्रमपरिगतं सानुमानाम्रकूट:

न क्षुद्रोपि प्रथमसुकृतापेक्षया सम्श्रयाय

प्राप्ते मित्रे भवति विमुख: किम्पुनर्यस्तथोच्चै:                         17

अध्वक्लान्तं प्रतिमुखगतं सानुमाम्श्चित्रकूट:

तुंगेन त्वां जलद शिरसा वक्ष्यति श्लाघमान:

आसारेण त्वमपि शमयेस्तस्य नैदाघमग्निं

सद्भावार्द्र: फलति नचिरेणोपकारो महत्सु                            18

छन्नोपान्त: परिणतफलद्योतिभि: काननाम्रै:

त्वय्यारूढे शिखरमचल: स्निग्धवेणीसवर्णे

नूनं यास्यत्यमरमिथुनप्रेक्षणीयामवस्थां

मद्ध्ये श्याम: स्तन इव भुवश्शेषविस्तारपाण्टु:                     19

स्थित्वा तस्मिन्वनचरवधूभुक्तकुंज्जे मुहूर्त्तं

तोयोत्सर्गात् द्रुततरगति: तत्परं वर्त्म तीर्ण्ण:

रेवां द्रक्ष्यस्युपलविषमे विन्ध्यपादे विशीर्णां

भक्तिछेदैरिव विरचितां भूतिमंगे गजस्य                              20

तस्यास्तिक्तैर्वनगज मदैर्वासितं वान्तवृष्टि:

जम्बूकुञ्चप्रतिहतरयं तोयमादाय गच्छे:

अन्तस्सारं घन तुलयितुं नानिलश्शक्ष्यति त्वां

रिक्तस्सर्वो भवति हि लघु: पूर्ण्णतागौरवाय                          21

नीपं दृष्त्वा हरितकशिपं केसरैरर्द्धरूढै:

आविर्भूतप्रथममुकुला: कन्दलीश्चानुकच्छं

दग्धारण्येष्वधिकसुरभिं गन्धमाघ्राय चोर्व्या  :

सारंगास्ते जललवमुचस्सूचयिष्यन्ति मार्गम्                         22

अम्भोबिन्दुग्रहणरभसांश्चातकान् वीक्षमाणा:

श्रेणीभूता: परिगणनया निर्द्दिशन्तो बलाका:

त्वामासाद्य स्तनितसमये मानयिष्यन्ति सिद्धा:

सोत्कम्पानिप्रियसहचरीसंभ्रमालिंगितानि                            23

उत्पश्यामि द्रुतमपि सखे मत्प्रियार्त्थं यियासो:

कालक्षेपं ककुभसुरभौ पर्वते पर्वते ते

शुक्लापांगैस्सजलनयनै: स्वागतीकृत्य केका:

प्रत्युद्यात: कथमपि भवान् गंतुमाशु व्यवस्येत्                       24